Santiagotarraken domina festa asteburuan

Pistako 20 urtez azpikoen Espainiako Neguko Txapelketan domina guztiak lortu dituzte; ur bizien taldekoak berriz, Pontevedratik bost dominarekin bueltatu dira.

Imanol Saiz Gomez de Segura

Irun

2018/03/19

Domina guztiak eskuratu dituzte Santiagotarrakeko kirolariek.

Santiagotarrak elkarteko kirolariek emaitza bikainak lortu dituzte pasa den asteburuan. Pistako 20 urtez azpikoen Espainiako Neguko Txapelketan domina guztiak lortu dituzte; ur bizien taldekoak berriz, Pontevedratik bost dominarekin bueltatu dira. Sevillan jokatu dute pistako 20 urtez azpikoen Espainiako Neguko Txapelketa. Bertan, Irungo Aitor Gorrotxategi, Telmo Fernandez Compadre eta Eneko Egiguren palistek urrezko, zilarrezko eta brontzezko domina guztiak irabazi dituzte. Gainera, Nerea Garcia Zabalegik beste bi brontzezko dominarekin bueltatu da Irunera. Era berean, Pontevedrako Mondariz herriko Tea ibaian lehiatu dira Santiagotarrakeko ur bizien kirolariak, Eslalon Olinpikoaren Estatuko Koparen bigarren proban. Irungo elkarteko 17 kirolariek taldekako laugarren postua eskuratu dute. Joan Crespok K1 seniorrean urrezko domina eskuratu du, Oier Rodriguezek K1 kadetean. Oierrek gainera, brontzezko domina ere irabazi du C1 kadete kategorian. Ander Elosegi eta Klara Olazabal izan dira brontzezko domina bana eskuratu dituzten kirolariak. Hurrengo lehia hilaren 30ean (larunbata) izango dute, Seu d´Urgelleko Segreko kopan. Bestalde, Jolas Eskolarren azken proban ere Irungo zenbait kirolari gaztek hartu dute parte. Horrela, taldekako garaipena lortzeaz gain, 13 lehenengo postu, 7 bigarren eta 5 hirugarren eskuratu zituzten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.