Martxorako, Irungo Lakaxita Gaztetxeak kontzertuak, solasaldiak edota batzarrak antolatu ditu. Bestalde, zenbait ekimen iraunkor izango dira.
![](http://bidasoa.hitza.eus/site/files/2017/11/DSC0010-1.jpg)
Martxorako, denetarik prestatu dute Lakaxitako kideek.
Martxoko egitaraua aurkeztu berri du Irungo Lakaxita Gaztetxeak. Hilaren 21era bitarte, kontzertuak, solasaldiak, bilerak… Denetarik antolatu dute.
Datorren ostiralerako (hilak 9), Indoamerika Herria elkarteak ‘Mañanas de convivencia’ bilera antolatu du. Hurrengo egunean, hilaren 10ean zehazki (larunbata), musikaz beteko dute Lakaxita. 20:00etatik aurrera, Hiru Leike eta Joseba Lenoir taldeek kontzertua eskainiko dute. Kontzertuen aurretik, 10:00etan zehazki, gaztetxea txukuntzeko eta bestelako jarduerak egiteko auzolana egingo dute. Hilaren 21ean berriz, altzariak zahar berritzeko tailerra antolatu dute, Ernaus fundazioaren eskutik.
Ondorengoak dira bestalde, hilabete guztian zehar egingo dituzten ekimen iraunkorrak: Astelehenetan (12:00-13:30), Bare Alaia kooperatibaren produktuen banaketa, ostegun eta ostiraletan (9:30-15:30) atzerriko aholkularitza tailerra, astelehenetik larunbatera (10:30-13:30) Laboreren produktu ekologikoen salmenta eta larunbatetan (12:00-13:30) Aldatsaren baratze kooperatibaren produktuen banaketa egingo dute. Bestalde, hileko lehen ostiral guztietan (18:00etan) ohiko koordinazio bilerak eta bi astelehenetik behin Stop Kaleratzeak plataformaren bilerak (10:30) antolatu dituzte.