Txingudiko pentsiodunek orain arteko mobilizaziorik handiena egin dute

2.500 lagun inguru elkartu dira gaur Irungo San Juan plazan. Ondoren, Gizarte Segurantzako bulegora bideratu dira, manifestazio gisa.

Imanol Saiz Gomez de Segura

Irun

2018/02/22

Milaka pentsiodun elkartu dira gaur San Juan plazan.

Gaur, Espainiako Estatu mailan deitutako mobilizazioei atxikitu dira Irun, Hondarribia eta Hendaiako pentsiodunak. Txingudiko Pentsiodunen Mugimenduak, beste behin, elkarretaratzea jendetsua egitea lortu du. Guztira, gutxi gorabehera, 2.500 lagun elkartu dira San Juan plazan, orain arteko mobilizaziorik handiena. “Pentsioa oinarrizko eskubide bat da. Zuzenbideko herrialde demokratiko, eta sozial guztiek nahitaez bermatu behar dute eskubide hori, eta bestetik, eraikitzea hainbeste kostatu zitzaigun ongizate estatuaren oinarria ere izan behar du”, adierazi dute gaurkoan pentsiodunek. Manifestazio moduan gerturatu dira Irungo Gizarte-Segurantzako bulegoraino, eta Fatima Bañez ministroari gutun bat bidali diote, euren egoera azalduz eta zenbait eskera eginez. Datozen aste eta hilabeteetan, tinko jarraituko dute hiru udalerrietako pentsiodunek borrokan, %0,25eko igoera salatuz eta euren erosteko ahalmenaren defentsan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.