Real Unionen beteranoak berrogeigarrenez jarraian elkartuko dira

Taldearen berrogeigarren urteurrena ospatzeko, martxoaren 3rako bazkideen batzarra, meza eta bazkari berezia antolatu dute.

Imanol Saiz

Irun

2018/02/08

Unioneko beteranoen irudia, iazko urrian.

Aurten, Irungo Real Unionen beteranoen taldeak berrogei urte beteko ditu. 1978an eratu zuten taldea, eta ordutik, “ilusioz”, taldeko kide zaharrekin urtero elkartu dira. Berrogeigarren urteurrena martxoaren 3an ospatuko dute. Goizetik arratsera arte, denetarik prestatu dute. Ondorengoa da egunean zehar antolatu dituzten jarduerak:

9:30tatik 10:30tara, lehen deialdia egingo diete elkarteko bazkideei Larreaundi auzoko San Jose Obrero futbol zelaian. Bertan, Victor Zabalo jokalari ohiari Ohorezko Lehendakari egin ala ez adostuko dute.
12:00etan, ohiko meza egingo dute, orain arte zendutako kideei omenaldia egiteko.
14:00etan, bazkaria egingo dute Iñigo Lavadoren jatetxean (Ficoba). Elkarteko bazkideek 45 euro eta ez bazkideek 50 euro ordaindu beharko dute. Bertaratzeko asmoa dutenek 618 054 024 telefono zenbakian konfirmatzea eskatu dute beteranoen taldetik. Martxoaren 1ean itxiko dute apuntatzeko aukera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.