Haur eta helduak elkartuko ditu 'Yogiak gara' egitasmoak

4-11 urte bitarteko irundarrei bideratutako jardunaldia izango da, otsailaren 3an. Haurrez gain, familia osoari luzatu diote deialdia.

Imanol Saiz Gomez de Segura

Irun

2018/01/22

Palmera Montero Gunean egingo dute jardunaldia.

Irungo Udaleko Gazteria arloak, Udal Haurtxokoekin elkarlanean, azken hilabeteetan burutu duen ‘Familia ta lagun’ egitasmoaren barruan, ‘Yogiak gara’ jardunaldia antolatu berri du. ‘Familia ta lagun’ egitasmoak familian egiten diren ekintzei bultzada emateko helburua du eta orain arte hilabetean behin jarduera ezberdinak jorratu dituzte. ‘Yogiak gara’ 4-11 urte bitarteko irundarrei bideratutako jardunaldia izango da, otsailaren 3an. Haurrez gain, familia osoari luzatu diote deialdia. 10:30tatik 1230tara, Irungo Palmera Montero Gunean, mandala erraldoiak margotuko dituzte etxeko txikienek, eta ondoren, familian yoga egiteko aukera izango da, Virginia Elgorriagaren eskutik. Parte hartu ahal izateko, interesdunek, gaurtik hilaren 31era bitarte, hiriko Haurtxokoetan izena eman beharko dute. Antolatzaileek jakinarazi dutenez, plaza mugatuak izango dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.