Azken bederatzi partidetatik Il Capo Hondarribiak zazpi irabazi ditu
Amazsa Urdanetaren kontra irabazita, bi postu gora egin du Hondarribiko taldeak. Bigarren itzulia seigarren tokian hasi dute.
Euskal Liga hasiera irregularraren ondoren, joko eta emaitza bolada onean dago Il Capo Hondarribia eskubaloi taldea. Azken bederatzi partidetatik zazpi irabazi ditu eta, tarte horretan, 13. postutik 6.era pasatu da. Azken partida aurkari zuzen baten kontra irabazi dute hondarribiarrek, partidaren aurretik puntu berdinekin zegoen Amazsa Urdanetaren kontra (24-23). Garaipenari esker, bi postu irabazi dituzte Javi de la Hazaren mutilek.
Bigarren itzulia seigarren tokian hasi du Hondarribia Eskubaloiak, eta hirugarren postua hiru puntura du. Goranzko joerarekin jarraitu nahi dute. Hurrengo partida Pasai Donibanen jokatuko dute larunbatean, eta lehen itzuliko berdinketa baino gehiago lortu beharko luke taldeak, multzoko azken bigarrena baita Donibane.
Bolada onean sartuta dago Il Capo Hondarribia
