Irungo errugbi taldeak ligako partida guztiak irabazi ditu. Bihar bigarrenaren kontra jokatuko dute, Zarautzen aurka.
![zaisa.txingudi](http://bidasoa.hitza.eus/site/files/2018/01/zaisa.txingudi.jpg)
Beltzezkoak, Funesen jokatu zuten partidan.
Ligan jokatu dituen partida guztiak irabazi egin ditu Zaisa Txingudi errugbi talde irundarrak, zortzitik zortzi. Hortaz, Euskal Ligako Bigarren Mailako bere multzoko lider sendo dira bidasoarrak: 38 puntu dituzte, eta bigarrenak, Zarautzek, 22.
Hain zuzen ere bigarrenaren kontrako partida izango dute irundarrek asteburuan, Zarautzen zelaian. Bihar izango da liga ia erabat erabakita utz dezakeen norgehiagoka, 15:30ean, Lasarte-Oriako Michelinen.
Orain arte jokatutako partidetan, aldeko 250 eta kontrako 90 puntu izan ditu Txingudik, hortaz, partidak nagusitasunez ari dira irabazten oro har. Lehen itzulian, Irunen, 36-7 argiarekin garaile atera ziren beltzez jantzitakoak Zarautzen kontra.