Euskal presoen aldeko elkarretaratze bat, Hondarribiko San Pedro kalean.
Ehunka kilometro egiten dituzte hilabetero. Halabeharrez, derrigortutako bidaiak dira, ama, aita, kasu batzuetan biak, edo beste senideren bat ikusteko dispertsioaren bidesaria ordaintzera derrigortzen dituzte Euskal Herriko hamarnaka haur. Euskal presoen seme-alaben errealitatea, Espainiako zein Frantziako espetxetarako bidaiek, dispertsioak, senideei ezarritako zigor gaineratuak, haur eta gazte horien bizitza nola baldintzatzen duen erakutsiko du Ur handitan programak gaur, 22:30ean hasita, ETB1en.
Xabier Madariaga aurkezleak bidaia egingo du Garirekin Algecirasko (Andaluzia, Espainia) espetxeraino. Eider Perez Aristizabalen semea da Gari, aita ere kartzelan du eta hilabetero, joan etorrian 2.200 kilometro egin behar ditu gurasoak ikusteko. Bere egoera berean dauden beste hainbat motxiladun umeen testigantzak ere jaso ditu Xabier Madariagak gaur gauean emango duen saiorako. Adin txikikoak ere ez direla dispertsioaren zigorraz libratzen erakutsiko dute testigantza horiek, zigor hori lehen eskutik pairatzen dutela.
Autobusak BilboraLarunbaterako Sare Herritarrak Bilbon deitu duen nazio manifestazioaren atarian emango du Ur handitan saioak motxiladun umeen gaineko erreportajea. Oarsaldeko zein Bidasoko herrietan manifestazioan parte hartzera deitu dituzte herritarrak eta horren harira, autobusak antolatu dituztela gogorarazi dute. Bilbon egun osoko egitaraua antolatu du Sarek larunbatean, 11:15ean hasita gauera arte ekitaldiak antolatu dituzte. Manifestazioa 17:30ean abiatuko da La Casillatik.
Autobusak
Pasaian. Donibanen, Bixi Bixi elkartean, Itziar tabernan eta Ontziolan; San Pedron Antxeta elkartean; Trintxerpen, Trintxer elkartean; eta Antxon, Mimos eta Leunda tabernetan.
Oiartzunen.Castro tabernan eta Garmendi txokolategian.
Errenteria-Oreretan. Landare, Sindikato, Arkaitza, Reina eta Xera tabernetan.
(Herri guztietan egun osorako, zein manifestaziorako soilik abiatuko diren autobusak antolatuko dituzte)
Bilboko egitaraua
11:15. Gizarte zibila subjektu aktibo konferentzia La Boslan. Hizlariak: Joseba Azkarraga, David Fernandez, Anais Funosas eta Mario H Calixto. Moderatzailea: Pili Kaltzada.
11:00. Areatzatik Alde Zaharrera kale animazioa. Txistulariak, trikitilariak eta batukada K-Tum taldearekin.
11:45. Areatzatik (karpa) kantujira, Sare kantari.
12:30. Areatzan, karpan, Porrotx. Kantu, irriak, eta marrazkiak. Herri argazkia, amarekin kartzelan dauden Izar, Xua eta Haitzentzat.
13:30. Areatzako karpan bertso saioa.
15:00. Kontzertua. Kepa Junkera eta Sorginak, Areatzako karpan.
17:30. Manifestazioa, La Casillatik abiatuta.
19:45. Kontzertuak Areatzako karpan: Anita Parker eta Tximeleta.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
