Euskaraz, are eta politagoa
Udal Euskara Zerbitzuak antolatuta, gaztedromoa egiten ari dira gaur Kasino Zaharrean, Neguko Jardunaldien barruan.
‘Zein polita izan den zu euskaraz entzutea’ pentsatuko dute Hondarribiko gazte askok gaur. Herriko hiru ikastetxeetako DBHko ikasleak elkartu ditu Kasino Zaharrean egiten ari diren Gaztedromoak. Bi txandatan banatu dira ikasleak, eta txanda bakoitzean gazte desberdinekin hainbat gairen inguruan solas egiteko aukera izan dute gazteek.
Dauden adinean egonda normala da, hasieran kosta egin zaie, baina pixkanaka-pixkanaka lotsa galdu eta hitz egitera animatu dira. Batek daki gerora berriro elkar ikusiko ote duten, baina gaur lagun berriak egin dituzte, baita euskaraz egin ere.
Euskararen erabilera sustatzeko Udal Euskara Zerbitzuak antolatzen dituen Neguko Jardunaldien barruan egiten ari dira Gaztedromoa. Hasiera batean ostegunean zen egitekoa, baina agenda kontuengatik atzeratu behar izan zuten.
Gazteak Kasino Zaharrean, gaztedromoaren bigarren txandan
