[Bideoa] Irungo industriaren iragana eta etorkizuna aztertu zuten atzo

Gipuzkoako Foru Aldundiko 'Gipuzkoan Eginak' ikus-entzunezko egitasmoaren azken dokumentala atzo proiektatu zuten, Palmera Montero Gunean.

Imanol Saiz Gomez de Segura

Irun

2017/11/30

Aldundiko ordezkariez gain, hiriko zenbait enpresen ordezkariak izan ziren.

Gipuzkoako Foru Aldundiko ‘Gipuzkoan Eginak’ egitasmoaren azken dokumentala Irunen proiektatu zuten atzo. ‘Gipuzkoan Eginak’ ikus-entzunezko egitasmoa da, lurraldeko industriaren iragana, oraina eta geroa aztertzen dituenak. Gipuzkoako beste herritatik pasa ondoren, dokumentalen laugarren saioa atzo aurkeztu zuten Palmera Montero Gunean. Bertan, Gipuzkoako diputatu nagusi Markel Olano eta Ekonomia Sustapeneko diputatu Ainhoa Aizpuruz gain, Irungo zenbait enpresetako ordezkariak izan ziren. Horiekin bat, Irungo Udaleko Miguel Angel Paez eta Xabier Iridoy izan ziren. “Kokapen estrategikoari esker”, merkataritza trukearekin lotura duen eskualdearen lanari aitortza egin zioten atzoko ekitaldian. Bertan, Irun “historian zehar birmoldatzeko eta enplegua sortzeko gai izan den hiria” dela gogoratu zuten. Gainera, hiriak birmoldaketak jasan arren, lurraldeko “lehen mailako eragile ekonomikoa” bilakatzea lortu duela nabarmendu nahi izan dute aldunditik. Dokumentalak, hiriko garapen industrialerako une historikoak eta enpresa garrantzitsuak ikergai izan ditu. Horrez gain, hiriko enplegua sustatzen jarraitzen duten Ekonek, Bianditz Tailerrak edota Alcad enpresen bitartez, Irungo etorkizuna ikertu dute proiekzioan. Hona, Iruni buruz egin duten bideoa:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.