Gipuzkoako fiskaltzak 'Mariñel' auzia ikertzea agindu du
Abotsanitzek eta PPk aurkeztutako dokumentazioa aztertu ondoren, Arma Plaza Fundazioaren kudeaketa aztertzea erabaki du fiskaltzak.
Gipuzkoako Fiskaltza Nagusiak Mariñel ontziko istripua ikertzea agindu du. Azaroa hasieran Abotsanitzek eta PPk aurkeztutako dokumentazioa aztertu ondoren, tramitera onartu du eskaera. Dokumentazioa epaitegira bidali zuen joan den astean, Arma Plaza Fundazioaren jokabidea ikertu dezan.
Sustraia taldeko boluntarioaren heriotza eragin zuen istripua beharrezko segurtasun neurriak ez zaintzeagatik gertatu ote zen aztertuko du fiskaltzak, baita ezbeharraren ondorengo kudeaketa ere. Nolanahi ere, tramitera onartzeak ez du esan nahi lege hausterik edo deliturik egon denik; ikerketak argitu beharko du hori.
Gipuzkoakoaz gain, EAEko eta Espainiako Estatuko fiskaltza nagusiek jaso zuten dokumentazio berbera. Momentuz, lurraldekoa da ikerketa abiatu duen bakarra.
Iluntasuna izan da istripua baino lehen, eta gero
Istripuaren aurreko eta ondorengo kudeaketa aztertuko du Gipuzkoako fiskaltzak
Erlazionatutako edukiaIluntasuna izan da istripua baino lehen, eta gero
