Hiru film saritu dituzte hamazazpigarren Ficab-en

Joan den larunbatean, hilak 25, Irungo Oiasso Erromatarren Museoan, Bidasoko XVII. Nazioarteko Zinemaldi Arkeologikoaren irabazleen berri eman zuten.

Imanol Saiz

Irun

2017/11/27

Hamazazpigarren edizioaren irabazleak.

Joan den larunbatean, hilak 25, Irungo Oiasso Erromatarren Museoan, Bidasoko XVII. Nazioarteko Zinemaldi Arkeologikoaren sariak banatu zituzten. Hilaren 20tik 25era bitarte, 35 lan ikusteko aukera izan dute irundarrek, hain zuzen ere, lehiaketan parte hartzeko proposamena egin zuten lanen erdia. Ondorengoak dira, lan guzti horietatik, kategoria bakoitzean sariak irabazi zituzten lanak:

Epaimahaiaren sari nagusia Cedric Robion-en ‘La tumba de Gengis Kan, el secreto desvelado’ lanak eraman zuen, “gaiaren egokitzapenagatik eta arkeologia zein teknologia berrien aplikazioarengatik”.
Arkeolan saria (Arkeolan fundazioak bideratua) Sarah Jobling-en ‘La Pompeya britanica de la Edad de Bronce’ filmak eraman zuen, “meategi aparta aukeratzeagatik eta egiazko narrazio zinematografiko batean bilakatzeagatik”.
Publikoaren sari berezia Javier Balaguer-en ‘Cervantes: la busqueda’ filmak eraman zuen, bertaratutakoen bozka gehien eskuratu ostean.
Bestalde, epaimahaiak Juan Manuel Ramirez Hermosoren ‘Luz bajo la tierra: la destruccion de Cholula’ filmari aipamen berezia egin zion.

Lan irabazleak 2.000 euro, publikoaren saria eramango duenak 1.000, eta Arkeolan sariaren jabeak garaikurra jaso dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.