Etxeko lasterketarik politena, etxekoentzat

Iker Oliverik eta Claudia Behobidek irabazi dute IV. Beñat Elzo Mendi Lasterketa. 217 korrikalarik amaitu dute proba.

Asier Perez-Karkamo

2017/11/01

Iker Oliveri, helmugara sartzen

Etxeko bi korrikalarik irabazi dute etxeko lasterketarik politena. Iker Oliveri, mutiletan, eta Claudia Behobide, nesketan, izan dira IV. Beñat Elzo Mendi Lasterketako garaileak. Iazko irabazle berberak izan ditu, hortaz, duela bost urte gaurko egunez hil zen kirolari hondarribiarra omentzeko balio duen probak. Oliverik 40 minutu eta 41 segundo behar izan ditu 10.750 metroko ibilbidea osatzeko; Behobidek 48 minutu eta 21 segundoan osatu du proba. Markak ez dira onak izan, eguraldiak ez duelako horretan lagundu; bero gehiegi izan da, batez ere mendi aldean. Oliverik ia lasterketa osoa egin du bakarrik, kai berriko maldan utzi du atzean Joxe Amunarriz herrikidea. Pixkanaka-pixkanaka tartea handituz joan da, helmugan minututik gorako tartea lortzeraino. Hatzekin zerura keinu eginez sartu da Oliveri helmugan, garaipena Erlaitz Mendi Elkarteko mugalari-ari eskainiz. Amunarriz kontent geratu da bere lehenengo parte hartzean bigarren postua lortuta (41:51). Hirugarren Mikel Albeniz donostiarra sartu da (43:04), lehen bi ekitaldietako irabazlea. Nesketan nagusitasun handiz irabazi du Behobidek, lehen metroetatik ihes eginda. Bere atzetik Marina Gonzalez irundarra helmugaratu da (49:18), eta hirugarren Vanessa Pelaez andoaindar gaztea (50:20).

Iazko lehen postua errepikatu du Claudia Behobide hondarribiarrak

Orotara, 217 korrikalari iritsi dira helmugara. Probaren aurretik, eta ibilbide beretik, 600 laguneko mendi martxa egin dute, eta mendi lasterketaren ondoren familien proba, 1,5 kilometrokoa. Bildutako diru guztia Ademgi Gipuzkoako Esklerosi Anizkoitza Elkartearentzat izango da.

[GALERIA] Berdeen herrian, urdina nagusi

Sailkapen osoa

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Etxeko lasterketarik politena, etxekoentzat

[GALERIA] Berdeen herrian, urdina nagusi

Gipuzkoa

Errenteriak eta Hernanik elkarlana eta «jarduteko modu berriak» eskatu dituzte etxegabeen arazoari aurre egiteko

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik