Real Unionen beteranoen taldeak antolatuta, elkartasun futbol txapelketa egin dute gaur Galen. Irundarrez gain, Eibar eta Reala izan dira lehian
Hiru taldeetako kideen argazkia. Irudia: Real Union Beteranoak.
Real Unionen beteranoen taldeak antolatuta,
elkartasun futbol txapelketa egin dute gaur goizean Gal estadioko bigarren zelaian. Unionen, Realaren eta Eibarren beteranoek parte hartu dute. Realak irabazi du txapelketa. Baina batez ere gailendu dena izan da giro ona, eta elkartasun mezua.
Unioni 1-0, eta Eibarri 3-0 irabazita irabazi dute donostiarrek lehia. Bere aldetik, hiruko txapelketaren beste partidan (lehena izan da ordenean) bana egin dute irundarrek eta eibartarrek. Hiru taldeetako jokalari historikoek azaldu dute oraindik badutela zerbait hanketan, goi mailan aritu zirenean zuten horren zantzuak bai behintzat.
Taupadak gobernuz kanpoko erakundearen alde izan da partidan zehar zozketen bidez eta bestelakoekin bildu duten dirua, sarrera doan zen. Barbakoa ere egon da, hainbat saltokik emandako jakiekin prestatu dute.