Artaleku kiroldegia bertsozalez beteko da asteazkenean

Finalaurrekoetako bigarren saioa egingo dute Artaleku kiroldegian, 17:00etan hasita. 15:30ean zabalduko dituzte ateak eta 2.300 lagun espero dituzte.

Urko Etxebeste

Irun

2017/10/26

Alaia Martin bertsolari oiartzuarrak ia-ia etxean jokatuko du asteazkenean.

Euskal Herriko Bertsolari Txapelketa Nagusia Irunera iritsiko da asteazkenean. Finalaurrekoetako bigarren saioa egingo dute Artaleku kiroldegian, 17:00etan hasita. 15:30ean zabalduko dituzte ateak. 2.300 lagun espero dituzte. Bertan sei bertsolarik parte hartuko dute: Maialen Lujanbio, Aitor Sarriegi, Aimar Karrika, Maddalen Arzallus, Unai Agirre eta Alaia Martin oiartzuarra dira. Beraz, Martinek ia-ia etxean jokatuko du. Sarrerak hiru erara lor daitezke. Batetik, bertsosarrerak.eus webgunearen bitartez eros daitezke; bestetik, Irungo turismo bulegoan (Luis Marianon) 100 daude eskuragarri, eta horiek salduko ez balira, Artalekun, asteazkenean, leudeke salgai azkenak 15:00etatik aurrera. Sarrera orokorraren prezioa 15 eurokoa da, gazteena 8 eurokoa, eta Bertsozale Elkartearen bazkideek 8 euro ordaindiu behar dituzte. Jon Martin, larunbatean Txapelketan Oarso Bidasoko bi bertsolari gelditzen dira; Alaia Martinez gain, haren anai Jon Martin ere finalaurrekoetara pasatu da. Hark bihar du finalaurrekoetako saioa, Bastidan (Araba). Fase horretako lehen emanaldia da. 17:00etatik aurrera, bertako kiroldegian, finalerako txartelaren bila, oiartzuarrak Igor Elortza, Sustrai Colina, Agin Laburu, Jone Uria eta Nahikari Gabilondo izango ditu oholtzan lagun.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.