Lehen kanporaketan, agur esan dio Kopari Bidasoak

Partida nahiko berdindua izan arren, Santanderrekoak aurretik joan ziren ia partida osoan zehar, 29-28 markagailuarekin amaitu arte.

Imanol Saiz

Irun

2017/10/19

Partida nahiko berdindua izan arren, Gomas Sinfin-eko jokalariak aurretik joan dira ia 60 minututan.

Atzo, Santanderren, C.D. Bidasoako jokalariak DS Auto Gomas Sinfin taldearen aurkako partidan Kopako lehen kanporaketan estreinatu ziren. Partida nahiko berdindua izan arren, Santanderrekoak aurretik joan ziren ia partida osoan zehar. 13. minutuan, Jon Azkuek zelaia utzi behar izan zuen. Markagailu berdinduarekin (14-14) iritsi ziren atsedenaldira. Bigarren zatia hasi eta hamar minutura, arratsaldeko bigarren albiste txarra iritsi zen: arazo fisikoengatik, Iñaki Caverok ere zelaia utzi behar izan zuen. 60. minutura 29-28 markagailuarekin iritsi ziren, hortaz, garaipena Santanderren geratu da. Datorren urtera arte itxaron beharko dute Jacobo Cuetararen jokalariek Kopara bueltatzeko. Markagailua: 2-2, 6-5, 10-9, 12-11, 14-13, 14-14 (atsedenaldia), 16-16, 20-17, 22-19, 24-21, 27-23 eta 29-28 (amaiera).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.