Gurasoak eta haurrak elkartuko dituen Famitxoko programa hezigarria hastear da

Aisialdi aktibo, partehartzaile eta ludikoaz gozatzeko aukera ematen du programak eta hilaren 28an egingo dute lehen jarduera.

Imanol Saiz

Irun

2017/10/19

Martindozenea Gaztelekuan egingo dute lehen jarduera, hilaren 28an.

Irungo Udal Haurtxokoak, 4-11 urte bitarteko haurrei zuzendutako eremu sortzaile, estimulagarri eta hezigarriak, familiak eta haurrak elkartuko dituen ekimen berri bat aurkeztu berri du: Famitxokoa. Umeek aisialdi aktibo, partehartzaile eta ludikoaz gozatzeko aukera ematen du programak. Famitxokoaren lehen jarduera, hilaren 28an, 10:00etatik 12:00ak bitarte, Martindozenea Gaztelekuan egingo dute. Bertan, Familitxef izeneko ekintza burutuko dute. Gurasoek zein haurrek, kozinatzeko aukera izango dute. Horrez gain, sukaldari txanoa egiten, azokatik beharrezko osagaiak aukeratzen edota plater goxoena aukeratzen arituko dira. Datozen hilabeteetan, bestelako jarduerak egingo dituzte. Izen ematea Lapitzeko zein Landetxako Haurtxokoan egin beharko dute interesdunek, hilaren 25a baino lehen. Udaletik familia bakoitzak kozinatzeko mantela eta familiako saski bana ekartzeko deialdia egin dute. Informazio gehiago, Gazteria zerbitzuaren emailean edota 943 50 54 04 telefono zenbakian eskuragarri dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.