Irungo gaztetxoen udako bidaien esperientziak elkartuko dituzte ostiralean

Europan zehar irundar gazteek egindako bidaiak gogoratzeaz gain, datorren urtean bidaiatzeko interesa duten gazteei aholkularitza zerbitzua eskainiko diete.

Imanol Saiz

Irun

2017/10/18

Martindozenea Gaztelekuan egingo dute jardunaldia.

Irungo Udaleko Gazteria arloak, Gazteen Nazioarteko Mugikortasun Zerbitzuarekin elkarlanean, udaran Europan zehar irundar gazteek egindako bidaiak gogoratzeko gazte elkartruke berezia antolatu du. Horrez gain, datorren urterako Europara bidaiatzeko interesa duten gazteei aholkularitza zerbitzua eskainiko diete. Ostiralean, Martindozenea Gaztelekuan, gazteek bizitutako esperientziaz arituko dira. Zehazki, hiru gazte elkartruke ezberdinetan banatuko dute jardunaldia:

Sport in Action- Young for Equality: 13-17 urte bitarteko irundar gazteekin, Georgia eta Suedian bizitutako esperientziaz arituko dira, genero berdintasuna eta kulturartekotasuna gai ardatz bezala izanik.
Act and ReAct!: 18-25 urte bitarteko gaztetxoak elkartuko dituzte, Belgika, Bulgaria eta Eslovenian irundarrek bizitutakoa kontatzeko, antzerkia eta kulturartekotasuna mintzagai dituztela.
Mixology!: 18-30 urte bitarteko irundarrei bideratu dute eta bertan Portugal, Hungaria, Letonia eta Eslovenian izandako gaztetxoek musika eta kultur jaialdi bat nola antolatu jorratuko dute.

Jardunaldian zehar, jatekoa eta musika ere izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.