Teresa Errandonea, Oskitz Aguilar eta Bidasoa Atletiko Taldea, aurtengo onenak

Atzo, Igande Sasoiarekin bat, urteko kirolari eta talde irundar onenak aukeratu zituzten.

2017/10/09

Teresa Errandonea, Oskitz Aguilar eta BATeko zuzendari Josema Soto.

Igande Sasoiak, beste behin, Kolon pasealekua jendez bete zuen. Atzo, hilak 8, Irungo talde nagusiek, Zabaltza plaza inguruan, hamaika kirol jarduera eskaini zituzten. Horrez gain, urteko kirolari irundar onenak aukeratu zituzten: Teresa Errandonea, Oskitz Aguilar eta Bidasoa Atletiko Taldea (BAT). Teresa Errandonea Bidasoa Atletiko Taldeko kirolariak eskuratu du emakumezkoen kategorian kirolari onenaren saria. Aurten, besteak beste, Europako Txapelketan zazpigarren eta Espainiako txapeldunorde bezala sailkatzea lortu zuen (100 metro hesietan). Gainera, irundarrak, Gipuzkoako errekorra hautsi zuen (13.37). Ginezkoen kirolari onena Oskitz Aguilar igerilaria izan da. 100 metrotan, Espainiako txapeldun sailkatu eta 25 metroko igerilekuan Euskadiko errekorra eskuratu du aurten (48.44 eta 48.33). Horrez gain, Rio de Janeiroko Joko Olinpiarretan sailkatzeko oso gertu egon da. Talde edo klubik baloratuena Bidasoa Atletiko Taldea izan da. 2017 urte osoan zehar kategoria ezberdinek eskuratutako lorpenak txalotu eta goraipatzeko jaso du saria taldeak (Espainiar txapeletan 15 eta Euskadikoan 88).

Bidasoa Atletiko Taldeko kirolariak, talde onenaren saria jaso ondoren.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.