Musika, hitzaldiak eta zine foruma, Lakaxitaren kurtso hasierako jaialdian

Hilaren 12tik, urriaren 29ra bitarte, kontzertuak, hitzaldiak, zine foruma eta bestelako jarduerez gozatzeko aukera izango dute irundar gazteek.

Imanol Saiz

Irun

2017/10/05

Hilabete osorako ekitaldi ezberdinak antolatu dituzte, kurtso hasierako jaialdian.

Urrirako, Lakaxita Gaztetxeak kurtso hasierako jaialdia antolatu du. Datorren ostegunetik, hilak 12, urriaren 29ra bitarte, kontzertuak, hitzaldiak, zine foruma edota bestelako ekimenez gozatzeko aukera izango dute irundar gazteek. Ondorengoa da, datozen asteetan burutuko dituzten ekitaldiak:

Urriaren 12a: 17:00etatik aurrera, Lakaxitako kurtso berria abiatzeko ‘Gatz titiritorto basatiak’ txotxongiloen ekitaldia egingo dute. Ondoren, barbakoa eta Indixabak eta Left Hook taldeen kontzertuak.
Urriaren 14a: 19:00etatik aurrera, Indixabak (Irun) eta Left Hook (Eibar) taldeen musika saioak.
Urriaren 15a: Zine Foruma, Artale Usotxoaken eskutik: ‘Ex-machina’.
Urriaren 18a: 21:00etatik aurrera, Iron Fist (Baiona) taldearen kontzertua.
Urriaren 24a: 18:30etan, ‘Ekonomia sozial eraldatzailea vs Kapitalismoa’ hitzaldia, Andoni Egiaren eskutik.
Urriaren 26a: 18:30etan, ‘Eguneroko ekonomikak’ hitzaldia, Enara Iruretagoienaren eskutik. Ekonomia feministaren ikuspegitik, ariketa teoriko praktikoa egingo dute.
Urriaren 29a: Zine Foruma, Artale Usotxoaken eskutik: ‘Gatta’.

Kontzertu, hitzaldi eta zine forumaz gain, ekimen iraunkorrak antolatu dituzte. Besteak beste, Laboreren bertako produktu ekologikoen salmenta (ostiraletan 16:30etatik 19:30etara eta larunbatetan 10:30etatik 13:30etara), Atzerritarrentzako aholkularitza tailerra (ostegunetan 9:30etatik 15:30etara), Aldatsa baratza kooperatiboaren produktuen salmenta (larunbatetan, 12:00etatik 13:30etara), Bare Alaia kooperatiben produktuen banaketa (astelehenetan, 18:00etatik 19:00ak bitarte), Lkxt Koop kooperatiben hazitegia (astelehenetik ostiralera, 8:00etatik 14:00etara) edota koordinazio bilerak (hileko lehen ostiraletan, 18:00etatik aurrera) prestatu dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.