Herritar askok esteladak eraman zituzten Gure Esku Dagok deitutako ekitaldira
Kataluniako autodeterminazio prozesuari babesa emateko eta igandeko errepresioa salatzeko ehunka ekitaldi egin ziren atzo Euskal Herrian. Hondarribian hiru ekintza nagusi antolatu ziren, elkarretaratze bana eguerdian eta arratsaldean, eta kazerolada gauean.
Eguerdian, udaleko langile batzordeak deituta, kontzentrazioa egin zen udaletxeko arkupeetan. Langile talde txiki bat batu zen, Abotsanitzeko zinegotzietako bat alboan izan zutelarik.
Arratsalderako Gure Esku Dagok egina zuen deialdia, eta hori bai izan zen arrakastatsua. Hondarribiko oposizioko bi talde nagusiek, Abotsanitzek eta EH Bilduk, bat egin zuten ekitaldiarekin. Dozenaka herritar hurbildu zen San Pedro kalera, askok esteladak eskuetan zituztela.
Eta gauean, joan den igandean bezala, lapiko hotsak entzun ziren Hondarribian. Sare sozialen bitartez hedatu zen deia, 22:00etan argiak itzaltzeko eta kazerolada egitekoa. Portuan gazte talde batek kalera jaitsi zituen lapikoak, eta bertatik adierazi zieten elkartasuna Kataluniako herritarrei. Gehienek, baina, etxeetatik parte hartu zuten kazeroladan, leihora edo balkoira aterata.
Gazte talde bat Portuan, lapikoak kalera jaitsita
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.