Atom Rhumba, postrerako

Larunbatean egingo dute Fenomena rock jaialdia Hondarribiko Alde Zaharrean, egunez. Bilboko talde mitikoak 15:00etan joko du.

Asier Perez-Karkamo

Hondarribia

2017/10/04

Fenomena Kultur Elkarteko kideak, Kalixa Silanes zinegotziarekin

Adi ordutegiari, inor ez dadila galdu. 15:00etan Atom Rhumba (Bilbo), 16:30ean The Cubical (Liverpool, Ingalaterra), 18:00etan Parpaing 2.2 (Hosssegor, Okzitania), eta 21:00etan Alien Tango (Murtzia, Espainia). Hori kontzertuei dagokionez, eta egitaraua osatzeko hiru DJ, bi Apezpiku plazan —Javi P3Z 12:00etan, eta Susi Quiu 19:00etan—, eta hirugarrena Kasino Zaharrean —El Gancho Sonidero 22:00etan—, kontzertuen eremuan. Hori da Fenomena Kultur Elkarteak larunbaterako prestatu duen kartela, haurrentzako tailerrekin —goizean SantaMariaMadalena arte tailerraren eskutik, jaialdia apaintzeko— eta bezperan Martxel Mariskalen hitzaldiarekin —19:30ean Kultur Etxean— osatzen dena. Larunbatean egingo dute Fenomena rock jaialdiaren bigarren ekitaldia Hondarribiko Alde Zaharrean, egunez. Fenomena Kultur Elkarteko kideek gaur udaletxean eginiko aurkezpenean azaldu duten bezala, “iazko taldeek maila handia zuten, aurtengoek katxe handiagoa”. Ez hori bakarrik, iazko bi talderen ordez lau izango dira larunbatean, bost saio beharrean —DJak barne—, zazpi zuzeneko. Ernesto Villarren hitzetan, “bizirik dauden taldeak” bilatu dituzte antolatzaileek, eta datu bat eman du hori berresteko: “Lau taldeek diskoa grabatu dute aurten”. Kalixa Silanes Kultura zinegotziak eskerrak eman dizkie elkarteko kideei jaialdia antolatzeagatik eta, badaezpada, lasaitasun mezua bidali die Alde Zaharreko biztanleei: egunez egingo dute Fenomena rock jaialdia, gaua lotarako izango da. Kontzertuen aurretik, paella Iaz ez bezala, taberna jarriko dute Kasino Zaharreko lorategietan, eta bazkaria izango da, paella (haragizkoa edo barazkiekin aukeran), 10 euroren truke (irakurri gehiago). Bertan bazkaltzera animatzen direnek, Atom Rhumba izango dute postrerako, hori bai luxua. Ostiralean Fenomena jaialdiari buruzko erreportajea argitaratuko du Oarso Bidasoko HITZAk, xehetasun guztiekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Atom Rhumba, postrerako

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak