Askapena erakundearen 30. urteurrena ez galtzeko busak antolatu dituzte Irundik

Urriaren 7an, Askapena Euskal Herriko erakunde internazionalistak 3o urte beteko ditu. Ospatzeko, egun osoko egitarau zabala antolatu dute Berriozarren.

Imanol Saiz

Irun

2017/09/27

Berriozarren Askapena erakundeko kideak urriaren 7ko egitaraua aurkezten.

Hurrengo asteburuko larunbatean, urriaren 7an, Askapena Euskal Herriko erakunde internazionalistak 3o urte beteko ditu. Ospatzeko, egun osoko egitarau zabala antolatu dute Berriozarren. Bertaratu nahi duten irundarrek busez joateko aukera izango dute. Hazia elkartean, 10 euroren truke, dagoeneko bus txartela erosteko aukera dago. Busa, Bixeratik aterako da, 9:30etan. Berriozarretik itzulera, 23:00ak inguruan izango da. Ondorengoa da, Berriozarren erakundeak antolatutako egitaraua:

11:00etan: Euskal Herritik koloretako mundura irri, kanta eta dantza Porrotxekin, Euskal Herria plazan.
12:00etan: ‘Borrokak uztartzen herriok burujabe!’ ekitaldi politikoa, Musika eskolan.
14:30ean: Bazkari internazionalista (txartelak 10 euro), Ilargi pistan. Ondoren, Pantxo bakarlari mexikarra eta Elektrotxaranga.
22:00etan: Che Guevarari omenaldia, Ilargi pistan. Ondoren, The Trikiteens, Bide Bakarra, Ahuntzape eta Sorkun-en kontzertuak. Gaua amaitzeko, DJ Tarantistak eta DJ Majaris, Zulo Alai elkartean.

Hona hemen, Askapena Euskal Herriko erakunde internazionalistak egindako agerraldiko bideoa:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.