Bordari eta Satarka sarietan parte hartzeko epea zabalik

Idazle berriak sortzeko helburuarekin egindako lehiaketan lanak aurkezteko epea urriaren 31ean itxiko dute.

2017/09/21

Iazko Bordari Satarka lehiaketaren irabazleak.

Bordari eta Satarka Literatur Lehiaketaren XXXIV. edizioa hemen da. Hondarribiko Udaleko Euskara Zerbitzuaren eskutik, idazle berriak sortzeko helburuarekin egindako lehiaketan lanak aurkezteko epea urriaren 31ean itxiko dute. Lehiaketak bi sari-atal izango ditu: Bordari ipuin saria eta Satarka olerki saria. Aurkeztutako lan guztiak euskaraz idatziak beharko dute, gaia librea izanik. Bi mailatan banatu dute lehiaketa: A maila (18 urtez gorakoentzat) eta B maila (18 urtez beherakoentzat). Lanak, guztira, orri bateko luzera izan beharko du, makinaz ala ordenagailuz idatziak. Orrialde horretan, ondorengo datuak sartu beharko dituzte: Zein sari-ataletan aurkezten duen lana, zein mailatan, lanaren titulua, egilearen izenordea eta egila Hondarribian jaioa edota bertakoa biztanlea den. Gainera, bidali behar den gutun azalean lanaren titulua eta egilearen izenordea idatzi beharko dute partaideek; barruan berriz, izen-deiturak, helbidea eta nortasun agiriaren kopia sartu beharko dute. Baldintzak Bordari sarian, A mailan, ipuinak gutxienez hiru eta gehienez hamar folio izan beharko ditu. 800 eta 400 euroko saria jasoko dute lehen bigarrenek (Hondarribiko onenak ere 400 euroko saria jasoko du). B mailan berriz, ipuinak gutxienez bi eta gehienez sei folioko luzera izan beharko du. 400 eta 250 euroko saria jasoko dute lehen bi sailkatuek eta A mailan bezala, Hondarribiko onenak sari berezia eramango du etxera (250 euro). Satarka sarian, A mailan, olerkiak gutxienez 50 eta gehienez 150 lerro izango ditu. 800 eta 400 euro ere eramango dituzte lehen bi sailkatuek (Hondarribiko onenak ere 400). Bestalde, B mailan, olerkiak 40 eta 120 lerro bitarteko luzera izango beharko du eta Bordari sariko B mailan bezalaxe, sariak 400, 250 eta 250 (Hondarribiko onenari) eurokoak izango dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.