Landetxa auzo elkarteak ez du Udaleko prozesu partehartzailean parte hartuko

Katea-Landetxa Auzo Elkarteak, joan den astean Udalak sustatutako aurrekontu partehartzaileen harira, hainbat kontu argitu nahi izan ditu.

Imanol Saiz

Irun

2017/09/13

Landetxa auzo elkarteko kideak: Jesus Ogallar, Jose Ignacio Martinez, Fernando Arozena eta Martxel Gorostidi.

Katea-Landetxa Auzo Elkarteko kideek, joan den astean Udalak sustatutako aurrekontu partehartzaileen harira, hainbat kontu argitu nahi izan ditu:

Auzoetako benetako plan bat negoziatzeko benetako nahia falta da (Irungo auzo elkarte ezberdinek defendatutako proposamenak).
Gure iritziz, sustatzen dena, ez da benetako prozesu partehartzailea. Bertan ez dira herri mailako udal politiken lehentasunak aztertu eta adosten adibidez arlo hauetan: gizarte gaietan, ingurugiroan, parekidetasunean, etxebizitzan, mugikortasunean eta hirigintzan. Horretarako, beste eredu bat sustatu beharko litzateke non partehartze zuzena eta eztabaida oinarrizko ardatzak izan beharko luketen; azterketa prozesu horren bidez analizatu eta adostuko litzateke zeintzuk diren herri mailan dauden lehentasunak, eta horren arabera erabaki beharko lirateke egitasmoak. Ez orain gertatzen den moduan: kolektibo batzuei interesa dakieken proposamenak bozkatzeko guda bat dirudi, herri osoaren interesentzat lehentasuna duten aztertu eta eztabaidatu gabe.

Hori dela-eta, auzo elkarteak Udalak dineinatutako prozesu partehartzailean parte hartuko ez duela jakinarazi du, eta aldi berean, euren auzoko bizilagunekin horrelako prozesu partehartzaileak burutzen jarraituko dutela gogorarazi dute, baita bertan ateratako proposamenak Udalarekin negoziatzen jarraituko dituztela.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.