[Bideoa] Euskal kostaldea igerian euskal presoen alde

Euskal presoekiko elkartasuna bultzatu nahi du Ekimena iniziatibaren bidez euskal kostaldea igerian eginda Paxkal Elgartek.

Ikerne Zarate

Hondarribia

2017/07/11

Ekimena iniziatibarekin euskal kostaldea igerian egiten ari da Paxkal Elgart.

Zumaiatik irteteko unean gaur 07:00etan. Hondarribira bihar helduko da 18:00etan Paxkal Elgart.

Euskal kostaldea igerian egingo du Paxkal Elgart amizkutarrak. Helburua, euskal presoen alde egitea da, haiekiko elkartasuna bultzatzea, eta bildutako dirua presoen alde lan egiten duten kolektiboei emango die. Ez da erronka makala, 25 eta 30 kilometro artean egiten ari da igerian egunero Elgart, hamar eta hamabi ordu tartean igerian pasa den larunbatetik, eta ostiralean amaituko du Ekimena izena jarri dion iniziatiba. 180 kilometro egingo ditu orotara itsasotik. Zazpi etapatan banatu du erronka: Getxo, Bakio, Lekeitio, Zumaia, Donostia, Hondarribia, Miarritze eta Baiona lotuko dituztenak. Gaur, esaterako, 07:00etan abiatu da Zumaiatik eta Donostia izango du helmuga. Bertako portuan harrera egingo diote 18:00etan. Bihar, berriz, Donostiatik abiatuta Hondarribira helduko da Elgart, Pasaiatik igarota. 18:00etan helduko da, baina oraindik ez dago zehaztuta zein puntura. Bidaia ez da bakarrik egiten ari, ondoan kayakean du laguna, eta hainbat herritan txalupak batu zaizkio elkartasuna adierazteko eta bidaide izateko. Iniziatiba hasi aurretik argi mintzatu zen euskal itsasertza igerian zeharkatzen ari den amizkutarra, “presoekiko elkartasuna bultzatu nahi dut erronkaren bidez”. Jurgi Ekizak, Amets Arzallusen bertsoetan oinarrituta Presondegia, itsaso zakar bat kanta egin du Ekimena iniziatibaren alde. [Argazkiak eta bideoa: Eki Pagoaga eta Beñat Ibaieta]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.