Hondarribiko Saindua gaztelekuak eta gazteria departamentuak surf, rafting eta paintball jarduerak besteak beste antolatu dituzte uztailerako.
Kirola eta abentura uztartuko ditu gazteria departamentuaren eskaintzak
Hondarribiko Udaleko Gazteria departamentuak eta Saindua Udal Gaztelekuak, aisialdi ekintzak antolatu dituzte uztaileko lau ostegunetarako. Bost dira guztira, bi aste honetako ostegunean, eta bana hurrengo hiru asteetan. Hileko aste guztietan irteera bat izango da.
Ostegun honetan bi ekintza burutuko dituzte, SUP jarduera goizez, batetik, eta arratsaldez zuhaitz zirkuitua egiteko irteera, bestetik. Hurrengo hiru ostegunetan Stand Up Paddle (SUP), paintball eta raftingean aritzeko irteerak egingo dituzte.
Zuhaitz zirkuiturako izena eman dutenentzako berandu da apuntatzeko, baina surf, paintball eta rafting irteeretara joateko aukera irekita dago. Hurrenez hurren, hilaren 7a, 14a eta 21a dira hiru jarduera horietan izena emateko azken egunak; hau da, ostirala baino lehen eman behar da izena hurrengo osteguneko irteerarako. Sainduan bertan egin dezakete (Jaizkibel etorbidea, 19), edo
gaztelekuko posta elektronikora idatziz.
Ostegunero egingo dituzten irteerez gain, asteartero hondartzan egiten den Hondar Kirolak programan parte hartuko dute Sainduako gazteek.
Irteerak
- Hilak 6, zuhaitz zirkuitua: Irteera 15:30ean, itzulera 19:30ean. 12 euro.
- Hilak 13, surfa: Irteera 11:00etan, itzulera 19:00etan. 7 euro.
- Hilak 20, paintball: Irteera 11:30ean, itzulera 19:30ean. 10 euro.
- Hilak 27, rafting: Irteera 11:30ean, itzulera 19:30ean. 12 euro.
