[Bideoa eta galeria] Udalbatzaren ibilbidea, San Pedro eguneko klasikoa

San Pedro egunaren barruan, Udalbatzaren mezarako ibilbidea edota agurra izan dira ekitaldi esanguratsuenak.

2017/06/29

Irungo Udalbatzako kideak San Juan plazatik bideratu dira.

Gaur irundarrek San Pedro egun handia ospatzen dute. Goizeko dianatik, Udalbatzako kideen agurreraino. Egun osoko egitaraua antolatu dute, sanmartzialetako bigarren egun handiari aurre egiteko. 8:00etan, San Juan plazatik San Pedroko diana atera da. Bertan, atzoko parranda luzatu duten gazte mordoa elkartu da. Irungo Hiria Musika Bandak jarri dio musika ibilbideari. 10:40ean, Irungo Udalbatza udaletxetik atera da, Junkal Andre Mariaren Parrokia Elizara bideratzeko. Ibilbidean zehar, Irungo Txistulari Taldea, Irun Hiria Musika Banda eta Irungo Atseginako erraldoi eta buruhandiak izan dira. Junkal Elizara iritsi bezain laster, meza nagusia egin dute. Eliza jendez gainezka, dena txapel gorriz beteta. Meza ostean, Udalbatzako kideek agurra dantzatu diete Irungo hiritarrei, eliza kanpoko plaza txikian. 12:30ean, tradiziozko kontzertua eskaini du Irun Hiria Musika Bandak. 21:00etan, berriro, Los Tranquilos fanfarrearekin batera, kalejira egingo dute hiriko kaleetan barrena. Egun handiari amaiera emateko, Gipuzkoa hiribideko Anbulatoriotik Lasargien ekitaldiaren oroitzapena egingo dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.