Merkatutako 5.000 produktu baino gehiago Out Market! azokan

Datorren asteburuan, hilaren 9tik 11era bitarte, merkatutako produktuen Out Market! azoka egingo dute Ficoban.

2017/06/07

Hilaren 9tik 11era bitarte, Out Market! feria egingo dute Irungo Ficoban.

Datorren asteburuan, hilaren 9tik 11ra, Ficobak beste azoka berri bat jasoko du. Madril, Zaragoza eta Bartzelonan izandako arrakastaren ondoren, merkatutako modako produktuak eskaintzen dituen Out Market! feria egingo dute. Out Market! azokan 30 stand baino gehiago ipiniko dituzte. %50, %60, %70 eta %80eko deskontua izango duten 5.000 produktu baino gehiago jarriko dituzte salmentan. Street wear arropa nagusi izango da ferian, baina beste edonolako produktuak ere salduko dituzte. Kosmetika, perfumeria, kirol arropa, betaurrekoak, zapatilak edota etxerako produktuak erosteko aukera izango da. Azokak hamaika eskaintza jarriko ditu erosleen eskutara. Postuez gain, zozketak ere izango dira. Igandean, 14:00etan, ferian gastatzeko 1.000 euro zozketatuko dituzte bisitarien artean. Deskontuez gain, jatekoa eta edatekoa ez da faltako. Etxeko txikienek ere aukera izango dute hainbat joko eta tailerretan parte hartzeko. Haurtzaindegi zerbitzua ere egongo da. Azokak ostiralean zabalduko ditu ateak. Igandera bitarte zabalik egongo da, 10:00etatik 22:00ak arte asteburu osoan. Sarrerak 2 euroko prezioa izango du. Hamabi urtetik beherakoek ez dute inolako sarrerarik ordaindu beharko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.