Herri lasterketen zaleek zortzi proba dituzte aukeran abuztura arte

Triatloia, mendiko lasterketak eta asfaltoko krosak egingo dituzte Oarso Bidasoko herrietan .Horietatik bi berriak dira .Oiartzungo Intxixu Trailen laugarren ekitaldia prest da

Urko Etxebeste

Hondarribia,Irun

2017/06/02

Oiartzunen hilaren 11n egingo dute Intxixu Trail.

Herri lasterketen zaleek abuztura arte nahi adina aukera izango dute eurek gustukoen duten proban parte hartzeko. Orotara, Oarso Bidasoan era guztietako zortzi lehia antolatu dituzte tokian tokiko talde eta elkarteek. Triatloiak, mendiko lasterketak eta asfaltokoak daude aukeran. Ondoko koadroan daude datu gehiago. Bi berritasun daude egutegian. Lehena etzikoa, Irunen egingo den Zelaia elkartasun lasterketa: Leberren nerbio optikoaren atrofia gaixotasun arraroa pairatzen duten pertsonen aldeko martxa da, Asanol elkarteak antolatuta. Bigarren berritasuna hilaren 10eko Trintxerpeko Herri Lasterketa: Trintxerpe-Illunbek 30 urte bete ditu aurten, eta horren harira, herritarrak korrika jarri nahi dituzte arraun elkartekoek. Intxixu Trail Mendiko lasterketen egutegian indarra hartzen ari den proba da hilaren 11ko Intxitxu Trail. Aurten ere bi bide, motza eta luzea izango ditu. Ergoien auzoan izango du irteera eta helmuga probak, eta Euskal Herriko txoko guztietatik iritsitako kirolariak ari dira izena ematen. Ikusgarria da oso ibilbidea. Proben egutegia

Etzi (igandea 4). Donibaneko Sprint?Triatloia. Izena emateko epea bukatuta. 10:30ean aterako dira emakumeak eta 10:45ean gizonak, Bizkaia plazatik. Trafikoan aldaketak eragingo ditu.
Etzi (igandea 4). Irunen, Zelaia elkartasun lasterketa, 6,8 kilometrokoa. 11:00etan aterako da Urdanibia plazatik. Izena emateko Kirolprobak-en webgunean.
Hilak 10. Trintxerpeko Herri Lasterketa, Illunberen 30. urteurrenaren harira. 17:00etan aterako da Euskadi etorbidetik. Bide motza (4 kilometro) eta luzea ditu (8 kilometro). Izen ematea Herrikrosaren webgunean.
Hilak 11. Oiartzunen, Intxixu Trail Mendi Lasterketa Ergoien auzotik abiatuta. Bide motza (15,5 kilometro, irteera 10:00etan) eta luzea (29,5 kilometro, irteera 09:00etan) ditu. Izen ematea Herrikrosaren webgunean.
Hilak 17. Errenteria-Oreretan, Gaztañoko Krosa, 6,5 kilometrokoa. Irteera 10:30ean Gaztañon. Izen ematea Herrikrosaren webgunean.
Hilak 24. Irunen, San Martzialera XLI. Igoera, 3,6 kilometrokoa. 10:30ean aterako dira Urdanibia plazatik. Izen ematea Kirolprobak-en webgunean.
Uztailak 2. Antxon, San Fermin Krosa, 8 kilometrokoa. 11:00etan hasiko da Zumalakarregi kaletik. Izen ematea Herrikrosaren webgunean.
Uztailak 25. Irunen, Santiagoko Krosa, 8,2 kilometrokoa. 10:30ean hasiko da Santiago auzoan. Izen ematea Kirolprobak-en webgunean

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.