Santiagotarrak elkarteko gazteenak ur bizietako Gipuzkoako txapeldun

Pasa den larunbatean, hilak 27, Eskolarren Eslalomeko Gipuzkoako Txapelketa egin zuten San Miguel inguruan.

2017/05/31

Ur bizietako gazteek eskuratu dute Gipuzkoako txapelketa.

Pasa den larunbatean, hilak 27, Eskolarteko Eslalomeko Gipuzkoako Txapelketa egin zuten San Miguel inguruan. Irungo Santiagotarrak elkarteko gazteenek txapelketa irabazi zuten. Azken urtea zoragarria izan da Santiagotarrak taldearentzat. Ur bizietako sekzioan, esaterako, piraguista gazteenek taldekako sailkapenean garaipena lortu dute lehiaketa guztietan. Kirolariek erakutsi duten maila oso ona izan da. Adibidez, aipatzekoak dira Javier Arruabarrenak A Kimuen C1 eta K1ean, Unai Santacruzek B Kimunen C1 eta K1ean, Naiara Azkonobietak A Haurren C1 eta K1ean, Ainara Azanzak B Kimuen K1ean, Martin Arruabarrenak A Haurren C1ean eta Tasio Zumetak A Haurren K1ean lortutako garaipenak. Gainera, nabarmentzekoak izan dira Markel Rodriguezek, Tasio Zumetak, Haritz Azanzak eta Mikel Anduezak eskuratutako zilarrezko dominak. Lucia Espinazo, Jone Ugarte, Telmo Otegi, Mikel Andueza, Haritz Azanza eta Martin Arruabarrenak brontzezko domina eraman zuten etxera. Datorren uztaila eta abuztuan Espainiako Estatuko gazteen ligaren txanda izango da. Dagoeneko Santiagotarrak elkarteko gazteenak prestatzen ari dira, orain arteko garaipenekin jarraitzeko asmoz. Liga uztailaren 22 eta 23an Sorten hasi eta abuztuaren 26 eta 27an Seu d´Urgellen bukatuko da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.