Ireki dute udako kirol ikastaroetan izena emateko epea

Gaurtik aurrera dute aukera irundarrek Artaleku eta Azken Portu kiroldegietako uztaileko eta abuztuko ikastaroetara izena emateko.

Imanol Saiz

Irun

2017/05/02

Azken Portu eta Artaleku kiroldegietan izango dira udako kirol ikastaroak.

Irungo Udaleko Kirol arlotik jakinarazi dutenez, gaurtik aurrera dute aukera irundarrek Artaleku eta Azken Portu kiroldegietako uztaileko eta abuztuko ikastaroetara izena emateko. Maiatzaren 23ra bitarteko epean eman beharko dute izena interesa duten guztiek. Aurtengo udako kirol eskaintzan, 137 ikastaro ezberdin egingo dituzte. Horietatik, 89 igeritakoak eta 48 aretokoak izango dira. Artaleku kiroldegiak, 95 ekitaldi jasoko ditu, eta Azken Portuk berriz, 68. Guztira, 2.194 plaza eskainiko dituzte, 1.338 Artalekun eta 856 Azken Portun, hain zuzen ere. Kirol ikastaroetara izena emateko, Irungo web orrialdean informazioa eskuragarri dago. Bestela, aurretiko izen emate inprimakia eskuratu beharko dute kiroldegietan. Aurretiko hitzordua dutenek maiatzaren 24ean jakingo dute, 12:00etan egingo duten zozketan, autatuak izan diren ala ez. Egun horretan, 15:00etatik aurrera, aukeratutakoen zerrenda jarriko dute ikusgai eta maiatzaren 29an irekiko dute izen ematea formalizatzeko epea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.