Jaietako txosnen eskaera epea ireki dute

San Pedro eta San Martzial jaietan Urdanibia plazan kokatuko diren txosnak instalatzeko eskaera egiteko epea maiatzaren 2ra arte ireki dute.

Imanol Saiz

Irun

2017/04/18

Maiatzaren 2ra arteko epea izango dute hiriko elkarteek txosnak ipintzeko eskaera egiteko.

Dagoeneko ireki dute San Pedro eta San Martzial jaietan Urdanibia plazan kokatuko diren txosnak instalatzeko eskaera egiteko epea. Edozein kultur, kirol edo aisialdi taldek eskaera egiteko aukera izango dute, beti ere Eusko Jaurlaritzako elkarteen erregistroan izena emana eta Irunen egoitza soziala duten bitartean, beste Formazio Profesionaleko Ikastetxe edo Helduen Hezkuntzako zentroek bezalaxe. Edari eta janari salmentari zuzenduak daude txosna horiek, eta ekainaren 22tik uztailaren 1era arte irekiko dituzte, biak barne. Gehienez, sei postu irekiko dituzte, zozketaz aukeratutako prozedurarekin. Eskera lista maiatzaren 5ean Kirol eta Kultur arloak aurkeztuko du, eta udaleko web orrialde ofizialean eskuragarri egongo da. Zozketa maiatzaren 11ean egingo dute, 19:00etan, udalaren Kultur eta Kirol arloko bulegoetan, eta txosna ireki nahi duten guztiek beharrezkoa izango dute bertara gerturatzea. Baldintzak eta beharrezko dokumentazioa ezagutzeko Herritarren Arreta Zerbitzuan (HAZ) eta Irungo Udalaren web orrialde ofizialean egongo da. Eskaera orriak HAZen bulegoetan ere eskuragarri egongo dira (San Martzial kalea, 2).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.