Sare Herritarraren deialdiari erantzunez, 40 bat lagun elkarretaratu dira San Pedro kalean, 2015ean bahituriko dirua itzultzeko eskatu dute.
Ordu erdiko kontzentrazio isila burutu dute San Pedro kalean
Espainiako Auzitegi Nazionalak 2015ean bahitutako dirua ez itzultzea erabaki izana salatzeko, eta, horren ondorioz pairatzen duen egoera ekonomiko kritikoaz ohartarazteko, Sare Herritarrak elkarretaratzeak deitu ditu gaur arratserako. Hondarribian, ‘Sare elkartasuna’ leloko pankarta baten atzean 40 lagun inguru kontzentratu dira San Pedro kalean.
19:00etatik 19:30era egin dute protestaldi isila. Guardia Zibilak 2015ean bahituriko 104.000 euroak itzultzeko eskatu dute, eta Sare Herritarra erakunde legala dela aldarrikatu dute.
Bihar bukatuko da auzitegi nazionalaren erabakiaren kontra Sare Herritarrak hilaren 16tik 22ra deituriko elkartasun astea. Diru hori ez itzuli izanak Sare muturreko egoeran jarri duela ari dira salatzen, eta herritarrei laguntza eskatu diete. Informazio gehiago behar duenak, edo nola lagundu ez dakienak, euskal preso, iheslari eta errefuxiatuen eskubideen aldeko taldearen
webgunea bisitatu dezake.