"Denen baturatik" eraiki dute martxoaren 8rako egitaraua Irunen

Martxoaren 8rako egitaraua aurkeztu dute gaur udaleko nahiz hura osatzeko ardura izan duten elkarteetako arduradunek. Denetarik dago.

Urko Etxebeste

Irun

2017/02/28

Egitarauaren berri emateko ekitaldia jendetsua izan da.

“Denen baturatik” eraiki den egitaraua prestatu dute Irungo Udalak eta hiriko hainbat emakume talde nahiz hezkuntza zentroek martxoaren 8ko, Emakumeen Nazioarteko Eguneko ospakizunetarako. Askok antolatutakoa, eta ekarpen handiekin. Denak, baina, helburu batekin: “Berdintasunarekin dugun konpromisoa nabarmentzea”. Horrela laburbildu ditu Sergio Corchonek, Gizarte Ongizate ordezkariak martxoaren 8aren harira antolatutakoak. Ordezkariak hiriko eragileetako kideekin batera aurkeztu ditu martxoaren 8koak; Ainhoa Irazu Berdintasun teknikaria ere izan da prentsaurrekoan. Hogei bat dira herriko eragileek antolatu dituztenak. Orotarikoak gainera. Eta Corchonek adierazi duenez, emakumeen eskubideen aldeko lana egunerokoa bada ere, martxoaren 8aren harira gisa horretako ekitaldiak egitea nabarmentzekoa da ere, “are indar handiagoarekin ekin behar diogu lan horri egunotan”. Egitarauaren errepasoa eginez, hainbat ekitaldi nabarmendu dituzte. Batetik, martxoaren 8an Zabaltza plazan egingo den flashmoba (11:00etan); arratsaldean ere errepikatuko dute ekintza hori (18:45ean), elkarretaratzea hasi aurretik (19:00etan). Toki Alai ikastetxeko kideek antolatu dute horren koreografia, Aurora Beltranen Emakume kantan oinarrituta. Menchu Gal aretoan zabalduko duten erakusketa ere nabarmendu dute, Rosa Valverderen koadroekin. Beraz, honakoa da egitarau osoa: Martxoak 1, asteazkena (bihar)

17:00etan, Argoiak elkartean, Rosa Gomezen Sol de otoño liburuaren aurkezpena. Txami Chueca musikariarekin poesia errezitaldia ere egingo dute.

Martxoak 3, ostirala

17:30ean, Uxoa elkartean, emakumeen topaketa eta Un palillo pal diente antzerkia.
19:30ean, Gaurko Andreak-ek antolatu eta Palmera-Monteron, Voces de mujeres dantza eta poesia ikuskizuna.

Martxoak 6, astelehena

17:00etan, Uxoa elkartearen egoitzan, kafe tertulia Oskarbi elkarteko honako idazleekin: Itziar Sistiaga, Virginia Gasull eta Bakarne Atxukarro.

Martxoak 8, asteazkena 10:30ean, Oiasso Museoan, emakumeen topaketa Bidasoaldeko Elkarte Feministaren eta I-Romi elkartearen eskutik.

11:00etan, hezkuntza zentroen flashmoba Zabaltza plazan.
13:30ean, Argoiak elkarteko bazkideen bazkaria.
18:45ean, Zabaltza plazan, emakumeen taldeetako kideentzat nahiz nahi duen ororentzat flashmoba.
19:00etan, Zabaltza plazan, elkarretaratzea Egun guztiek izan beharko lukete martxoaren 8a leloarekin.

Martxoak 10, ostirala

17:00etan, San Migel auzoko adinekoen egoitzan, Las chicas de la sexta planta filmaren proiekzioa Bidasoaldeko Elkarte Feministaren eskutik.
18:00etan, Menchu Gal aretoan, Rosa Valverderen erakusketa zabalduko dute.
19:00etan, CBAn, Bande de filles filmaren emanaldia.

Martxoak 13, astelehena

17:00etan, Uxoa elkartean, Mujeres Al Cuadrado elkarteko ordezkariekin solasaldia.

Martxoak 15, asteazkena

17:00etan, Argoiak elkartean, Lorena Pidalek Heldutasuna emakumeetan, aktibatu zaitez hitzaldia emango du.

Martxoak 16, osteguna

19:00etan, Palmera Monteron, Maria Morales Carson idazleak solasaldia emango du.

Martxoak 17, ostirala

19:30ean, Palmera Monteron eta Bidasoaldeko Elkarte Feministak antolatua, Naroa Gonzalezen hitzaldia honako izenburuarekin: La mujer fatal copmo oposición a la sociedad del patriarcado.

Martxoak 22, asteazkena

17:00etan, Argoiak Elkartearen egoitzan, Gogoratzen nauzuenetan liburuaren aurkezpena, Asun Casasola Ipuin Lehiaketaren ipuinen bilduma da. Argoiak-ek eya Bilgune Feministak antolatu dute.

Martxoak 23, osteguna

19:00etan, Palmera Monteron eta Gaurko Andreak elkarteak antolatua, Estefania Beltran de Heredia Jaurlaritza Segurtasun kontseilariarekin mahai-ingurua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.