Iazko parodiako taldeen argazkiak eta bideo onenak

Gaurkorako girotzen hasteko, ikusi aurreko urteko olinpiadetako parodia probako talde guztien argazkiak eta lehen hiru sailkatuen bideoak.

Asier Perez-Karkamo

Hondarribia

2017/02/24

Hirekin Enak Ariki + Kolax taldearen emotifesta, iazko parodian

Hok Ez Pattukek irabazi zuen iazko parodia proba, traineru estropada baten telebista emankizunarekin; detaile txikiena ere landu zuten eta, bideoan oso ondo antzematen ez den arren, kanta bakoitzerako bertso berriak sortu zituzten. Aurreko proban galdutako lidergoa berreskuratzeko balio izan zien eta, gerora, olinpiadak irabazteko (badakizue, aurten arte logo proba ‘por dekreto’ irabazten zutenez…). Bigarren Ashkoraxekoak geratu zen, 2015eko irabazleak. Beteranoek Kutxa Egunaren gaia landu zuten, eta bigarren geratzeaz gain, taldeek emandako jantzi onenaren sari sinbolikoa beraientzat izan zen. Kolax eta Hirekin Enak Ariki taldearentzat izan zen hirugarren postua. Lehen aldiz elkarrekin aritu ziren bi taldeak eta WhatsApp mezuekin osatu zuten haien parodia. Sekulako maila erakutsi zuten taldeek Jostaldiko emanaldian. Aro berrian lehen aldiz egin zuten bertan —aurrekoan Soroetako frontoian—, eta harmailak bete zituen publikoak gozatu zuen. Aurten, segurtasun araudiak hala zehaztuta, mila lagunentzako txartelak banatuko dituzte, doan. 21:30ean irekiko dituzte ateak. Zirkoa, 22:00etan hasiko da.

Ikusi iazko hiru saio onenen bideoak

2016ko parodia proba. Taldeen argazkiak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.