Hego haize zakarra eta itsaso txarra
Abisu horia eman dute gaurtik haizeagatik eta olatu handiengatik. Haizea hegotik hego-mendebaldera aldatuko da, Atlantikotik datorren denboalearen eraginez.
Hego haizeak gogor joko du gaurtik aurrera, eta itsasoa zakartzen joango da. Hori da hurrengo egunetarako ikuspegia. Matxitxakon eta Orduñan 120 kilometro orduko abiadura gainditu du dagoeneko hego haizeak —Orduñan 138 neurtu dute orain gutxi—, eta Jaizkibelen ere zakar dabil.
Arratsaldean haizea zerbait baretuko da, baina ez guztiz, eta noranzkoa aldatuko du, hego-mendebaldera. Horregatik, itsasora zabalduko dute abisu horia, olatu oso handiak espero direlako. Atlantikotik helduko da denboralea eta, ostiraletik Ipar Euskal Herriko kostaldea astintzea espero da, zortzi metro arteko olatuek kalte handiak eragin ditzakete.
Haizearen norabideari esker, Gipuzkoan indar guxiagorekin joko du, baina bost metro inguruko olatuak espero dira.
Atlantikotik datorren denboralea ostiralean iritsiko da Euskal Herrira
