Azken Portu kiroldegiko sarrera hobetuko dute

Azken Portu kiroldegiko sarrera egokitzeko ia 51.000 euro erabiliko dituzte. San Martzialeko, Anzarango eta piraguismoko guneetan ere inbertsioa egingo du.

Urko Etxebeste Petrirena

Irun

2017/02/01

Azken Portuko sarrera. Bertako pasabidea konponduko dute.

Azken Portu kiroldegiko sarrera zaharkituta dago, egin zutenetik aldatu ez dutelako, eta eguraldiaren eraginez kalteak dituelako. Hori berritzeko konpromisoa hartu du udalak: ia 51.000 euroko erabiliko dituzte horretarako, otsailaren 6an hasiko dituzte hobetze lanak, eta bi hilabetean sarrera berria izango du kirol guneak. Kiroldegira sartzeko pasabidearen metalezko egitura eta zola berrituko dituzte. Horrek pasabide horren diseinu berria eskatuko du, “horrek mantenu lanak egiteko erraztasunak emango ditu”, zehaztu du Pedro Alegre Kirol zinegotziak. Cristina Laborda Bide Publiko eta Lan ordezkariak gehitu du hiriko kiroldegietatik herritar asko pasatzen direla, “horregatik, mantenu egokia behar dute”. Instalazio horiek erabiltzen dituzten klub eta taldeekin harremanean dago udala, “beharrezkoak izan daitezkeen hobekuntzak partekatzeko”. Beste instalazioak Azken Portun bakarrik ez. Udalak beste hainbat kirol azpiegituretan berritze lanak egingo ditu. Hala, San Martzialeko tiro eremuan insonorizazio lanak egingo ditu (14.250 euroko aurrekontua), Anzarango tenis pistetako hesiak berrituko dituzte (12.800 euro), eta hiriko arraun eta piraguismo pabiloiko fatxada berritzeko 2.722 euro erabiliko dituzte. Aurretik, udalak beste hainbat lan egin ditu hiriko kirol guneetan: Artalekuko instalazio termikoa hobetzea (133.500 euro), bertako bulegoetako leihoak aldatu zituzten (21.395 euro), edo Plaiaundiko zelaiko belarra doitu zuten (9.128 euro).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.