Eusko Jaurlaritzatik beharrezko baimenak lortu dituzte.
Dagoeneko martxan daude Urdanibia plazan jarritako kamerak. Joan den uztailean jarri arren, itzalita egon dira, baina hemendik aurrera, etengabe irudiak hartzen egongo dira.
Lourdes Larraza Udaltzaingo ordezkariak jakinarazi duenez, Eusko Jaurlaritzatik beharrezko baimenak lortu dituzte, eta horren ondoren piztu dituzte kamerak.
Larrazak gogorarazi duenez, 2015eko maiatzean eskaera bat jaso zuten HAZen segurtasun kamerak jartzeko hiriko zonalde batzuetan: alde zaharra, Uranzu kalea, Arbesko errota eta inguruetan. Horrekin batera, bizilagunen eta merkatarien 882 sinadura jaso zituzten.
Hain zuzen, inguru horretan bizi zituzten gatazka eta elkarbizitza egoerak bultzatu zuten eskaera hori egitera, eta auzo horietako bizilagunekin elkartu ziren Ertzaintza, Udaltzaingo eta udala, irtenbide bat bilatzeko.
Larrazak gaineratu du udaltzainen presentzia areagotzeko asmoa dute ere.
Lourdes Larraza, kameren gaineko azalpenak ematen, joan den uztailean.