Azken eraso matxistak salatuko dituzte gaur
Elkarretaratzea 19:30ean izango da, eta Irun eta Hondarribiko herritar guztiak deitu dituzte.
Txingudi Anti Sexista plataformak elkarretaratzera deitu ditu, gaur, 19:30ean, Zabaltza plazan, Irun eta Hondarribiko herritarrak. Protesta horretan Euskal Herrian azken egunetan izandako eraso matxistak salatuko dituzte.
Burlatan joan den larunbatean emakume bat hil zuten, ustez bere senarrak, eta, ondoren, gorpua errekara bota zuen. Portugaleten, berriz, 90 urteko emakume bat hil zuen ustez semeak, eta azkenik, amarekin espetxean bizi den 2 urteko neska bat labanaz bortizki eraso zuten, eta aitari egotzi diote erasoa.
Eraso horiek, “indarkeria matxistaren aurka lanean” jarraitu behar dela erakusten dutela azaldu du Txingudi Anti Sexistak.
Hilabeteko elkarretaratzea
Udalak hilean behin elkarretaratzea egiten du emakumeen kontrako indarkeria salatuz, eta hilabete honi dagokiona bihar izango da. 12:00etan jarri dute ordua, Zabaltza plazan.
Zabaltza plazan salatu dituzte azken erasoak.
