Internet bidezko tramite gehiago egiten dira HAZen
Aurrez aurreko bisitak jaisten ari dira, eta %3,5 gutxiago izan ziren iaz, 80.734, guztira.
HAZ Herritarren Arreta Zerbitzuko bulegoan jasotzen dituzten aurrez aurreko bisitek gaina jo dute 80.000 bisitariekin. 2016an %3,5 jaitsi da bisitarien kopurua, eta, guztira, 80.734 lagun igaro dira bulegotik. Horiek 130.054 tramite egin dituzte. Kontrako joera dute, ordea, Interneteko sarbideek, eta iaztik, %85 hazi dira 8.747raino.
Tramiteetarako Internet geroz eta gehiago erabiltzen joateko joera orokorra da, baina Irungo kasuan, batik bat, Irun Txartelaren eraginagatik izan dela azaldu du Pedro Alegre Informazio Gizarte eta Parte Hartze zinegotziak. “Geroz eta irundar gehiagok dute txartel hori, eta sinadura elektroniko sistema erraz baten bidez, hainbat tramite egiteko aukera dago”. Gaur egun, 26.000 lagunek dute Irun Txartela.
010 telefono zenbakian 72.422 dei jaso dituzte, iaz, baino ia %6 gehiago. Aurten igo egin den kopurua da, baina Alegreren arabera, aurrez aurreko bisitek bezala, joera jaistekoa da.
20 urte bete ditu HAZek. 1997an zabaldi zituen ateak Juan de la Cruz kalean. Urte horretan 49.243 bisitari izan zituen.
Herritarren Arreta Zerbitzua, San Martzial kalean.
