Aurten ere Gabonetako Haur Parkea jarriko dute Ficoban, eta datorren astelehenetik, hilak 26, urtarrilaren 4ra arte egongo da zabalik. Aurten aurreko urteetan baino egun gutxiagotan irekiko dute, Ficobako arduradunen esanetan, eskola ordutegira moldatzeko. Arratsaldez egongo da irekita, 15:00etatik 20:00etara arte.
Hiru pabiloiak egongo dira zabalik. Lehenengoan, teknologia izango da protagonistetako bat. robotikako eta scratch (programazioa) tailerrak antolatu dituzte. Horrez gain, robotekin jolasteko aukera izango da. Pabilioi berean ere topatu ahal izango dira Gabonetako parkeko bi klasiko: bubble socker futbolean aritzeko burbuila eta Wii-an aritzeko gunea. Horrez gain, karaokea, puzgarriak, futbolinak, air-hockey mahaiak eta eskulanetako tailerrak.
Bigarren pabiloian La Barredora atrakzioa izango da lehenengo aldiz. Umeek euren trebetasun fisikoak erakutsi beharko dituzte jauzi eginez, eta orekari eutsiz. Horrez gain, Battlefield Live bideojokoan ere aritzeko aukera izango da izpi infragorriekin lehiatuz. Zezen mekanikoa, puzgarri gehiago eta ping pong mailak egongo dira.
Hirugarren pabiloian karruselak egongo dira: matxinsaltoa, haur trena, baby hegalaria, talka autoak, ohe elastikoa…
Sarrerei dagokienez, 8 euro ordaindu beharko dute 3-13 urte haurrek, 6 euro helduek, eta 3 urte arteko haurrek dohainik.
Hilaren 31 eta urtarrilaren 1ean itxita egongo da.
Ficobako Gabonetako parkea