Cipriano Larrañaga kalea berritzeko lanak azken fasean sartu dira asfaltatze lanekin.
Cipriano Larrañaga kaleko lanak.
Bihar eta etzi (osteguna eta ostirala) Cipriano Larrañaga kalea asfaltatzeko lanak egingo dituzte. Bi egunetan, goizean, kale horretan nahiz Jacobo Arbelaiz-Colon eremuan arituko dira zeregin horretan langileak. Hortaz, Colonetik inguru horretara sartzeko bidea Miguel Astigar kaletik jarriko dute, baina ohiko norabidean ez, kontrakoan.
Lan horien bigarren zatia, bihar eta etzi arratsaldez egingo dute. Cipriano Larrañagako asfaltatzea bukatzeaz gain, Miguel Astigar inguruan ere egingo dituzte errepidea txukun uzteko lanak. Hortaz, inguru horretatik ateratzeko Juan de La Cruz kalea erabili beharko dute autoek.
Udaltzainak bertan daude, informazioa ematen eta trafikoa arautzen.
Inguru hori eraberritzeko lanak azken fasean daude.