Larunbat honetan, Atzokoak abesbatzak Gabonetako elkartasun kontzertua emango du, 19:30ean, Amaia KZn.
Dagoeneko Gabonetarako gutxi falta dela agerikoa da Irunen: argiak piztu dituzte; Gabonetako Azoka egingo dute egunotan Ficoban, eta datozen egunetan Eguberrien egitarauaren barruko ekitaldiak hasiko dira.
Gaur aurkeztu dute egitarau hori, eta aste honetan bertan motorrak berotzeko
lau ekitaldi izango direla jakinarazi du Juncal Eizagirre Kultura zinegotziak:
El Rey antzezlana ostegunean,
Vinyland filmaren proiekzioa ostiralean, Atzokoak abesbatzaren Gabonetako elkartasun kontzertua larunbatean, eta The Woogles taldearen emanaldia igandean. Gabonen aurretik izango da ere Rotary Clubeko Gabonetako elkartasun kontzertua (hilaren 18an).
Bestalde, hilaren 30ean, Txirri, Mirri eta Txiribiton pailazoak ikusteko aukera izango da Amaia KZn. Aurreko egunean, hilaren 29an, Sun magoa izango da.
Oiasso museoak ere
hainbat ekitaldi antolatu ditu egun horietarako.
Gabonen etorrera San Tomas Azokak iragarriko du, hilaren 21ean.
Olentzero eta Errege Magoak
Urtero bezala, Olentzerok haurren eskutitzak jasoko ditu, baina, aurten, lehenengoz, hilaren 23an egingo du. Egun bat aurreratzeko arrazoia protagonismo handiagoa ematea dela esan du Eizagirrek.
Olentzeroren desfilea hilaren 24ean izango da. Alberto Anguera plazatik aterako da 17:00etan, eta udaletxeko arkupeetara arteko bidea egingo du.
Errege Magoek ere bisitatuko dute Irun, eta hilaren 5ean espero dituzte, 18:00etan, Irungo geltokian.
Urtarrilean ekintza gehiago izango dira, eta hilaren 3ean, Jabier Muguruzak
Harrien hiztegia azken lana aurkeztuko du, Amaia KZn. Bestalde, Luis Piedrahita umoristak ikuskizuna eskainiko du Amaian bertan.
Atzokoak korua