Irungo babespeko alokairuko lehen etxebizitzak, zozkatzear

Babespeko alokairuko etxebizitzak 16 dira. Babes ofizialeko beste 48 ere jarriko dituzte zozketan.

2016/11/29

Xabier Iridoy, gaur, zozketaren gaineko azalpenak ematen.

Piketazaharra eta Elizatxo hiribidean eraikitzen ari diren babespeko etxebizitzak aurki zozkatuko direla esan du Xabier Iridoy Irungo Udaleko Hirigintza eta Etxebizitza ordezkariak. Horien artean alokairuzkoak daude: hirian lehen aldia da gisa babespeko alokairuko etxebizitzak zozkatuko dituztela. Bi eremuen artean, orotara, 64 dira bukatzen ari diren etxebizitzak, eta horietatik 48 salmentarako babes ofizialeko etxebizitzak izango dira, eta beste 16ak alokairuzkoak. Zozketa horretan parte hartzeko ezinbesteko baldintza da Etxebiden izena emanda egotea. Visesa elkartearen bidez eraiki dira; Eusko Jaurlaritzaren Lurralde Antolaketa, Etxebizitza eta Ingurumen departamenduari atxikitako elkartea da Visesa. Hau da, etxebizitza horiek Irungo Udalaren eta Jaurlaritzaren arteko hitzarmen baten emaitza dira. Errenta babestuko 16 etxebizitza eraikitzeko hautua Irunviren zerrendetan zeudenek eginiko eskaeren analisitik etorri da. Izan ere, izan ziren irundarrak, krisiaren ondorioz, errenta babestuko etxebizitzak eskatu zituztenak, babes ofizialekoak izan arren, horiek erosteko aukerarik ez zutelako. Bigarren fasea Xabier Iridoyk adierazi duenez, zozketatzear daudenak ez dira izango estatus horretako azken etxebizitzak. Izan ere, bigarren fase batean, beste 64 egingo dituzte hirian, eta udal ordezkariak esan duenez, urtebeteko epean eraikita egon daitezke. 64 etxebizitza horiek alokairuzkoak izango dira, 32 babes ofizialekoak, eta beste 32ak erregimen berezikoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.