Gazteak memoria historikoa lantzen
Pio Baroja institutuko 280 gaztetxok 36ko gerran eta Francoren diktadurapean bizi izan zirenen testigantzak jaso dituzte.
Pio Baroja institutuko 280 gaztetxok Orbel Haizea programan parte hartu dute. Memoria historikoa lantzea du helburu proiektu horrek, eta horretarako, 36ko gerran eta Francoren diktadurapean bizi izan zirenen testigantzak jaso dituzte.
Hain zuzen, asteazken honetan bertan izan zuten Gurseko (Paue, Okzitania) kontzentrazio esparruan izan zen irundar baten testigantza entzuteko aukera izan zuten, eta bestetik, familiarekin muga gurutzatu behar izan zuen emakume batek ere bere esperientzia kontatu zien. Azkena gerra ondorenean bueltatu zen, baina lehena ez da inoiz bueltatu.
Bigarren fase batean, ikasle horiek guztiek Gurseko kontzentrazio esparrua bisitatuko dute. Hori datorren astean izango da. Kontzentrazio esparru horretatik 63.000 lagun igaro ziren, eta horietako asko 36ko gerratik ihes egin zuten errepublikanoak, eta horrez gain, baita judutarrak eta gerrako presoak ere. Horietako asko Auschiwtzera eraman zituzten.
Programa horretan parte hartuko dute ere LH6ko sei zentrotako ia 400 ikaslek.
Gazteak testigantzak entzuten.
