Gogoeta hasi dute Irungo Udaltzaingoan, "hurbileko eredu polizial baterantz"
Irungo Udaltzaingoan herritarrengandik hurbilago egon nahi dute. 2018ra arte luzatuko den prozesua abiatu dute horretarako.
Lehenik, beharren azterketa egingo dute.
- Udaltzaingoaren eta bere efektiboen antolakuntza-egitura ezarri, herritarren eta bere arazoekiko hurbilekoa izango dena. Horretarako, agenteen herritarren arteko lotura zuzena areagotuko duten metodoak erabiliko dira, bitartekaritza teknikak ere bai, eta bizikidetza eta segurtasun publikoaren alorreko kontuetan herritarren parte hartzea bideratuko duten foroak diseinatuko dira.
- Udaltzaingoaren presentzia indartuko da bide publikoan prebentzio modura, herritarrek segurtasunaz duten pertzepzioa hobetzeko eta hurbiltasun handiagoa ahalbidetzeko, eta bide batez, herritarren jokabideei eta bizikidetzari lotutako gorabeherez kontzientzia hartzeko.
- Poliziako giza baliabideak modu eraginkorrean erabili, hiriko auzo desberdinetan haien presentzia areagotuz eguneroko jarduera gauzatzen denean eta horretarako beste gorputz polizialekiko koordinazio handiagoa mantenduko da eta era horretan herritarren segurtasun alorrean beste eskumen batzuez baliatzeko aukera izango da.
- Eredu polizial erreaktibo batetik eredu polizial prebentibo eta hurbileko batera eboluzionatu, indarra ekintza prebentibo, proaktibo eta kolaboratzailean jarriz.
- Baliabide teknikoak eta inbertsioak egokitu eta udaltzainak prestatu herritarrekiko hurbilekoa izango den eredu polizial batek dituen exijentzietara moldatzeko.
