Azaroaren 25ari begira indarrak elkartu dituzte

Azaroaren 25ari begira jardunaldi sorta egingo dute Irunen datozen egunetan.

2016/11/18

Udaleko eta hiriko emakumeen elkarteetako ordezkariak, gaurko agerraldian.

Emakumeen Kontrako Indarkeriaren Aurkako Nazioarteko Egunaren harira hainbat ekitaldi egingo dituzte Irunen. Udalak eta herriko hainbat emakume taldek indarrak elkartu dituzte egitarau bateratua egiteko eta mezu argia zabaltzeko: Irunen emakumeen kontrako indarkeriak ez du tokirik. Gaur (ostirala) aurkeztu dituzte ekitaldi horiek. Jose Antonio Santano alkateak nabarmendu du gizarteak batuta egon behar duela indarkeria horren aurrean, “ezinbestekoa da hori”, eta aldi berean azaroaren 25az gaindi, urte osoan zehar borrokatu behar dela horren kontra, “emakumeen eta gizonen berdintasuna bermatu behar da, eta horretarako ezinbestekoa da hiriko emakumeen elkarteek urtean zehar ere egiten duten lana”. Udaleko Ongizate ordezkari Sergio Corchonek nabarmendu du egun hauetan ikastetxeetan, elkarteetan eta toki publikoetan emakumeen kontrako indarkeriaz ohartarazteko liburu markatzaileak banatuko dituztela.Horrez gain, Beldur Barik egitasmoaren sarien banaketa hilaren 27an egingo dela jakinarazi du, Amaia KZn. Honakoak dira azaroaren 25aren harira datozen egunetan egingo direnak:

Hilak 21, astelehena: 17:30ean, Uxoa elkartean, Maitasuna tratu on eskubidearekin tailerra Ana Unzaga Berdintasun agentearekin.
Hilak 23, asteazkena: 17:00etan, Argoiak elkartean, Genero indarkeria XXI. mendean hitzaldia Yolanda Cervero psikologoaren eskutik.
Hilak 24, osteguna: 19:00etan, Oiasso Museoan eta Gaurko Andreak-ek antolatua, Indarkeria ikusezina solasaldi-mahai ingurua Julia Romero eta Xabier Cocarekin.
Hilak 25, ostirala: 17:00etan, Martindozenea gaztelekuan, Beldur Barik serigrafia tailerra. Irungo Udalak antolatu du. Partaideek, ahal badute, margotzeko elastiko zuria eraman behar dute. 19:00etan, Zabaltza plazan, azaroaren 25eko elkarretaratzea Emakumeen kontrako indarkeriarik ez lelopean.
Hilak 27, igandea: 18:00etan, Amaia KZn Pauso-k Dance Studioren eskutik emakumeen indarkeriaren kontrako dantza ikuskizuna, doan.
Abenduak 1, osteguna: 19:00etan, Amaia KZn eta Irun XXI foroak antolatua, Indarkeria filioparentala eta genero indarkeria konferentzia Javier Urrak emana. 19:00etan, Oiasso museoan, El síndrome del vinagre ikus-entzunezkoaren proiekzioa. Euskal Herriko eta Guatemalako bake prozesuetan emakumeek duten lanaz ari da. Mugen Ganetik taldeak antolatu du.
Abenduak 12, astelehena: 17:30ean, Uxoa elkartean, Carol filmarekin zineforuma.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.