Behobia-Donostia dela eta, trafikoan eta garraioan aldaketak igandean Irunen
Behobia-Donostia lasterketak trafikoan eta hiriko autobus lineetan izango du eragina, 09:00etatik 14:00etara batik bat.
Korrikalariak, ura hartzen, iaz, Colon pasealekuan
- Gi-636 errepidea, Osinbiribil eta Zaisa III biribilguneen artean, moztuta egongo da igandean 06:30etik 14:00etara. Trafikoa Nafarroa etorbidera (lasterketak ukituko ez dituen zatira) desbideratuko dute. Donostiara joateko AP-8 autobidea erabiltzea aholkatu du udalak.
- Nafarroa etorbidea, Colon pasealekua, Gipuzkoa etorbidea eta Elizatxo etorbidea moztuta egongo dira igandean 09:00etatik 14:00etara.
- L1 Linea, Zaisa-Ospitalea: lehen zerbitzutik 14:00ak arte, linea ez da Behobiara iritsiko, Osinbiribileko biribilguneraino iritsiko da. 09:00etatik 14:00etara, gainera, linea hori Ospitaletik Hondarribia kalera ibiliko da soilik.
- L2 Linea, San Juan-Katea: 09:00etatik 14:00etara linea hau geldirik egongo da.
- L3 Linea, San Juan-Artia, San Juan-Olaberria: 09:00etatik 14:00etara Nafarroa etorbidetik (joanekoan) eta Urdanibiatik (itzulerakoan) ez da pasatuko. Bide hau egingo du: Arbes (Azukaitz kalea), Uztapide Bertsolariaren kalea, Santa Elena zubia, Arbesko ermita eta Artia.
- Lasterketaren bidean dauden geltoki guztiak ez dira erabilgarri izango.
- Ordutegiak gutxi gorabeherakoak dira. Egunean zehar aldaketak izan litezke.
- Coloneko aparkalekua: sarrera itxita egongo da, eta irteera JR Agirretxe eta Joaquin Gamon kaleetara egin ahal izango da. Handik Pikoketa kaletik pasatu beharko da, anbulatorioraino, eta han udaltzainek bideratuko dute trafikoa.
- San Juango aparkalekua: San Juan inguruko irteera eta sarrera itxita egongo dira. Prudencia Arbide kalean sarrera/irteera prestatuko du Udaltzaingoak, eta horien azalpenei kasu egin behar diete autoen gidariek.
