%2,7 igo da erabiltzaileen kopurua irailera bitartean, eta 200.000 bidaiari pasa dira Hondarribiko terminaletik.
![Hondarribiko aeroportua.](http://bidasoa.hitza.eus/site/files/2016/10/Hondarribiko_aireportua-1.jpg)
Hondarribiko aeroportua.
Urtearen lehen bederatzi hilabeteen balantzea egin du AENAk eta horren arabera, bidaiari gehiago izan ditu Hondarribiko aireportuak. %2,7 igo da erabiltzaileen kopurua irailera bitartean, eta 200.000 bidaiari pasa dira Hondarribiko terminaletik.
Iazko irailarekin alderatuta, 24.220 bidaiari pasa dira Hondarribitik aurten, iaz baino %1,1 gutxiago. Hegazkinen mugimendua ere handitu egin dela azaldu dute bederatzi hilabete hauetan, %4,1 egin dute gora, eta guztira, 5.328 mugimendu.
Hondarribiko aireportuak lotura erregularrak mantentzen ditu urte osoan zehar Madril eta Bartzelonarekin, eta udaran Londres eta Palmara hegaldiak egin zituen.